‘തങ്കലാൻ’ ഓസ്കറിന് വേണ്ടി മത്സരിച്ചേക്കും

മേക്കോവറും ബോഡി ട്രാൻസ്ഫോമേഷൻ കൊണ്ടും‍ ‍ഞെട്ടിച്ച ചിയാൻ വിക്രമിന്റെ ‘തങ്കലാനാ’യി കാത്തിരിക്കുകയാണ് ആരാധകർ. പാ രഞ്ജിത്ത് സംവിധാനത്തിലൊരുങ്ങുന്ന സിനിമയുടെ ട്രെയ്‍ലർ വലിയ പ്രതീക്ഷകൾ നൽകുന്നതാണ്. ഇപ്പോഴിതാ സിനിമ ഓസ്കറിനും മറ്റ് എട്ട് അന്താരാഷ്ട്ര പുരസ്കാങ്ങൾക്ക് വേണ്ടിയും മത്സരിക്കുമെന്ന വിവരം കൂടിയെത്തുകയാണ്.

1870-നും 1940-നും ഇടയിലുള്ള കാലഘട്ടമാണ് ‘തങ്കലാൻ’ ചിത്രത്തിൽ കാണിക്കുന്നത്. കോലാർ ഗോൾഡ് ഫീൽഡിൽ (കെജിഎഫ്) ജോലി ചെയ്തിരുന്ന ആളുകളുടെ കഥയാണ് ചിത്രം വിശദീകരിക്കുന്നത്. തങ്കാലന്റെ നിർമ്മാതാക്കൾ ചിത്രത്തിന് വലിയ പ്രതീക്ഷയാണ് പ്രകടിപ്പിക്കുന്നത്. അതുകൊണ്ടാണ് ഓസ്കർ ഉൾപ്പെടെ നിരവധി അന്താരാഷ്ട്ര പുരസ്കാരങ്ങൾക്ക് ചിത്രം സമർപ്പിക്കാൻ പദ്ധതിയിടുന്നത്.