ടി20 ലോകകപ്പ് ; ദീപക് ചഹാർ പുറത്ത്

ഫിറ്റ്നസ് പ്രശ്‌നങ്ങൾ കാരണം യുവ ഫാസ്റ്റ് ബൗളർ ദീപക് ചഹാർ 2022 ടി20 ലോകകപ്പ് ടീമിൽ നിന്ന് പുറത്തായി. ദക്ഷിണാഫ്രിക്കയ്ക്ക് എതിരായ ഏകദിന പരമ്പരയിൽ പരിക്കേറ്റ ചഹാറിന് ഒക്ടോബർ 16ന് ആരംഭിക്കുന്ന ലോകകപ്പ് നഷ്ടമായേക്കുമെന്ന് നേരത്തെ തന്നെ സൂചനകളുണ്ടായിരുന്നു. പരിക്കേറ്റ് ലോകകപ്പ് ടീമിൽ നിന്ന് പുറത്തായ സ്റ്റാർ ബൗളർ ബുമ്രയ്ക്ക് പകരക്കാരനായി എത്തേണ്ടിയിരുന്ന താരമാണ് ചഹാർ. മുഹമ്മദ് ഷമി, മുഹമ്മദ് സിറാജ്, ഷാർദൂൽ താക്കൂർ എന്നിവർ ആണ് ഇന്ത്യൻ ടീമിലെ പകരക്കാരായി ലോകകപ്പിന് ഓസ്ട്രേലിയയിലേക്ക് പോവുന്നത്. ഇവർ നാളെ ഓസ്‌ട്രേലിയയിലേക്ക് തിരിക്കുമെന്നാണ് അറിയിച്ചിട്ടുള്ളത്. ടി20 ലോകകപ്പിന് മുന്നോടിയായി പെർത്തിൽ പരിശീലനം നടത്തുന്ന ടീമിനൊപ്പം ഇവർ ചേരും.