ടി 20 ലോകകപ്പ് : വെസ്‌റ്റ് ഇൻഡീസ് പുറത്ത്

ഓസ്‌ട്രേലിയയിൽ നടക്കുന്ന ടി20 ക്രിക്കറ്റ് ലോകകപ്പ് സൂപ്പർ 12ലേക്ക് പ്രവേശനവുമായി അയർലൻഡ്. രണ്ട് വട്ടം ലോക ചാമ്പ്യന്മാരായ വെസ്‌റ്റ് ഇൻഡീസിനെ പുറത്തക്കിയാണ് അയർലൻഡിന്റെ ചരിത്രനേട്ടം. ഹോബാർട്ടിൽ നടന്ന മത്സരത്തിൽ ഒമ്പത് വിക്കറ്റിന് വിജയിച്ചതോടെയാണ് അയർലൻഡ് മുന്നേറിയത്. 48 പന്തിൽ ആറ് ഫോറും രണ്ട് സിക്‌സറും സഹിതം പുറത്താകാതെ 66 റൺസ് നേടിയ പോൾ സ്‌റ്റെർലിംഗ് ഐറിഷ് ടീമിന് വേണ്ടി മികച്ച പ്രകടനമാണ് കാഴ്‌ചവെച്ചത്. 147 റൺസ് പിന്തുടർന്ന അയർലൻഡ് 15 പന്തുകൾ ബാക്കി നിൽക്കെയാണ് ജയിച്ചത്.