‘സൂപ്പർ മാരിയോ’ ട്രെയിലർ വൈറൽ

വിഡിയോ ഗെയിമുകളിൽ ലോകമെമ്പാടും ജനപ്രീതി നേടിയ ഒന്നാണ് സൂപ്പർ മാരിയോ. പ്രമുഖ വിഡിയോ ഗെയിം കമ്പനിയായ നിൻ്റെൻഡോ പുറത്തിറക്കിയ മാരിയോ ഇപ്പോൽ സിനിമാ രൂപത്തിൽ ഒരുങ്ങുകയാണ്. 2023 ഏപ്രിൽ 27ന് തീയറ്ററുകളിലെത്തുന്ന ദി സൂപ്പർ മാരിയോ ബ്രോസ് എന്ന ചിത്രത്തിൻ്റെ ട്രെയിലർ സമൂഹമാധ്യമങ്ങൾ വൈറലാണ്.

തടവിലാക്കപ്പെട്ട രാജകുമാരിയെ രക്ഷിക്കാൻ സഹോദരൻ ലുയിജിയ്ക്കൊപ്പം ഭൂമിക്കടിയിലൂടെ മാരിയോ നടത്തുന്ന യാത്രയാണ് പ്രമുഖ അനിമേഷൻ സ്റ്റുഡിയോ ആയ ഇലുമിനേഷനും നിൻ്റെൻഡോയും സഹകരിച്ച് നിർമിച്ച സിനിമയുടെ ഇതിവൃത്തം.