അധ്യാപികയെ നിരന്തരം ശല്യം ചെയ്തു; പന്ത്രണ്ടാം ക്ലാസുകാർക്കെതിരെ കേസ്

വനിതാ അധ്യാപികയോട് മോശമായി പെരുമാറിയതിന് പ്രായപൂർത്തിയാകാത്ത മീററ്റിലെ കിത്തോർ ഏരിയയിലെ ഒരു ഇന്റർമീഡിയറ്റ് കോളേജിലെ മൂന്ന് വിദ്യാർത്ഥികൾക്കെതിരെ കേസെടുത്ത് പൊലീസ്. അധ്യാപികയോട് മോശമായി പെരുമാറുന്നതിന്റെ വീഡിയോ വിദ്യാർത്ഥികൾ തന്നെ പകർത്തി സാമൂഹിക മാധ്യമങ്ങളിൽ പോസ്റ്റ് ചെയ്യുകയും പ്രചരിക്കുകയും ചെയ്തു.

ഇരുപതുകാരിയായ അദ്ധ്യാപിക വെള്ളിയാഴ്ച നൽകിയ പരാതിയിൽ പന്ത്രണ്ടാം ക്ലാസിൽ പഠിക്കുന്ന മൂന്ന് വിദ്യാർത്ഥികൾ കഴിഞ്ഞ കുറേ ആഴ്ചകളായി തന്നെ ബുദ്ധിമുട്ടിക്കുകയാണ് എന്ന് പറയുന്നു. ഈ വിദ്യാർത്ഥികളുടെ മാതാപിതാക്കളോടും ഇതേ പരാതി അധ്യാപിക ആവർത്തിച്ചിരുന്നു. എന്നാൽ, അവർ അതിനെ ​ഗൗരവത്തിലെടുക്കുകയോ എന്തെങ്കിലും ചെയ്യുകയോ ചെയ്തിരുന്നില്ല എന്നും അധ്യാപിക പറഞ്ഞു.

അധ്യാപികയുടെ പരാതി പ്രകാരം സെക്ഷൻ 354 (സ്ത്രീയുടെ മാന്യതയെ തകർക്കാൻ ഉദ്ദേശിച്ചുള്ള പ്രവൃത്തികൾ), ഐപിസി 500 (അപകീർത്തിപ്പെടുത്തൽ), ഐ ടി നിയമം എന്നിവ പ്രകാരമാണ് വിദ്യാർത്ഥികൾക്കെതിരെ കേസ് എടുത്തിരിക്കുന്നത് എന്ന് കിത്തോർ സർക്കിൾ ഓഫീസർ സുചിത സിംഗ് പറഞ്ഞു.