എസ്.എഫ്.ബി.സി.കെ(SFBCK)ക്ക് പുതിയ ആസ്ഥാനം

കേരളത്തിലെ ബാങ്കേഴ്സ് ക്ലബിന്റെ അപ്പക്സ് ബോഡിയായ സ്റ്റേറ്റ് ഫോറം ഓഫ് ബാങ്കേഴ്സ് ക്ലബിന്റെ നേതൃത്വത്തിൽ എസ്.എഫ്.ബി.സി.കെ വേണ്ടി പുതിയ ആസ്ഥാനം തുറന്നു. മറൈൻ ഡ്രൈവിലെ സ്വപ്നിൽ എൻക്ലേവിൽ ആരംഭിച്ച ആസ്ഥാന ഓഫീസ് ലുലു ഫിനാൻസ് ഹോൾഡിം​ഗ്സ് എംഡി അദീബ് അഹമ്മദ് ഉദ്ഘാടനം ചെയ്തു.കേരളത്തിലെ ബാങ്കിം​ഗ് മേഖലയ്ക്ക് കീഴിൽ ഇങ്ങനെയൊരു ആസ്ഥാന മന്ദിരം തുറക്കാനായത് കേരളത്തിലെ മുഴുവൻ ബാങ്കിം​ഗ് മേഖലയിൽ ഉള്ളവർക്കും ആഹ്ലാദകരമാണെന്ന് അദീബ് അഹമ്മദ് പറഞ്ഞു. ഇതിനോട് അനുബന്ധിച്ച് നടന്ന ബാങ്കിങ്ങിനെകുറിച്ചുള്ള ദേശീയ സെമിനാർ നിലവിലെ സാഹചര്യത്തിൽ കേരളത്തിലെ ബാങ്കിം​ഗ് മേഖലയ്ക്ക് കൂടുതൽ ​ഗുണകരമാകുമെന്നും അദ്ദേഹം പ്രത്യാശ പ്രകടിപ്പിച്ചു.