സീവേള്‍ഡ് യാസ് ഐലന്‍ഡ് തുറന്നു
യാസ് ഐലന്‍ഡില്‍ കാണാക്കാഴ്ചകള്‍ സമ്മാനിക്കുന്ന പുതിയ തീം പാര്‍ക്കായ സീവേള്‍ഡ് യാസ് ഐലൻഡ് തുറന്നു. അബൂദബി കിരീടാവകാശിയും എക്‌സിക്യൂട്ടിവ് കൗണ്‍സില്‍ ചെയര്‍മാനുമായ ഷെയ്ഖ് ഖാലിദ് ബിന്‍ മുഹമ്മദ് ബിന്‍ സായിദ് ആല്‍ നഹ്യാനാണ് പുതിയ തീം പാര്‍ക്ക് ഉദ്ഘാടനം ചെയ്തത്.
ഉദ്ഘാടനശേഷം ഷെയ്ഖ് ഖാലിദ് സീവേള്‍ഡ് ചുറ്റിക്കണ്ടു. സമുദ്രജീവികളെക്കുറിച്ച് സന്ദര്‍ശകര്‍ക്ക് ബോധ്യപ്പെടുന്ന രീതിയിലാണ് 1,83,000 ചതുരശ്ര മീറ്ററില്‍ വിനോദവും വിജ്ഞാനവും സംഗമിപ്പിച്ച് സീവേള്‍ഡ് യാസ് ഐലന്‍ഡ് ഒരുക്കിയിരിക്കുന്നത്.
