എട്ട് കോടിയുടെ ആഡംബര വീട് സ്വന്തമാക്കി സമന്ത

തെന്നിന്ത്യൻ ചലച്ചിത്രമേഖലയിലെ മുൻനിര താരമായി പാൻ-ഇന്ത്യൻ അഭിനേതാവ് എന്ന ടാഗ് ലൈൻ സ്വന്തമാക്കിയ നടിയാണ് സമന്ത. ‘ശാകുന്തളം’ എന്ന ചിത്രത്തിന്റെ പ്രൊമോഷൻ പരിപാടിക്കിടയിൽ തന്റെ അസുഖത്തെ കുറിച്ച് തുറന്ന് പറഞ്ഞത് പിന്നീട് വിമർശനങ്ങൾ നേരിടേണ്ടി വന്നു. ഇപ്പോഴിതാ സമന്ത വീണ്ടും സോഷ്യൽ മീഡിയയിൽ ഇടം നേടുകയാണ്. താരം പുതുതായി വാങ്ങിയ ആഡംബര വസതിയാണ് ചർച്ചാ വിഷയം.

ഹൈദരാബാദിൽ 7.8 കോടി വിലമതിക്കുന്ന പുതിയ ഡ്യൂപ്ലക്സ് വീടാണ് നടി വാങ്ങിയിരിക്കുന്നതെന്നാണ് മാധ്യമങ്ങൾ റിപ്പോർട്ട് ചെയ്യുന്നത്. 13-ാം നിലയിൽ 7,944 ചതുരശ്ര അടി വിസ്തീർണമുള്ള സൂപ്പർ ബിൽറ്റ്-അപ്പ് ഏരിയയും 3,920 ചതുരശ്ര അടി വിസ്തീർണവും ഡ്യൂപ്ലെക്‌സ് ഏരിയയും 14-ാം നിലയിൽ 4,024 ചതുരശ്ര അടി വിസ്തീർണമുള്ള ഫ്ലാറ്റാണ് നടി വാങ്ങിയതെന്നാണ് വാർത്ത. എന്നാൽ ഇതിൽ ഔദ്യോഗിക സ്ഥിരീകരണം ഉണ്ടായിട്ടില്ല.