പ്രവചനം നടത്തി സച്ചിൻ

ടി-20 ലോകകപ്പ് സെമി ഫൈനലിസ്റ്റുകളെ പ്രവചിച്ച് ഇന്ത്യയുടെ മുൻ ഇതിഹാസ താരം സച്ചിൻ തെണ്ടുൽക്കർ. ഇന്ത്യ കിരീടം നേടാനാണ് തൻ്റെ ആഗ്രഹമെന്നും പാകിസ്താൻ, ഓസ്ട്രേലിയ, ഇംഗ്ലണ്ട് എന്നീ ടീമുകൾ ഇന്ത്യക്കൊപ്പം സെമിയിലെത്തുമെന്നുമാണ് താൻ കരുതുന്നത് എന്നും സച്ചിൻ പറഞ്ഞു

“ഇന്ത്യ ചാമ്പ്യന്മാരാവണമെന്നാണ് ഞാൻ ആഗ്രഹിക്കുന്നത്. ഇന്ത്യ, പാകിസ്താൻ, ഓസ്ട്രേലിയ, ഇംഗ്ലണ്ട് എന്നീ ടീമുകൾ സെമിയിലെത്തുമെന്നാണ് ഞാൻ കരുതുന്നത്. ന്യൂസീലൻഡും ദക്ഷിണാഫ്രിക്കയും കറുത്ത കുതിരകളാവും. സെപ്തംബർ, ഒക്ടോബർ മാസങ്ങളിൽ ദക്ഷിണാഫ്രിക്കയിലെ സാഹചര്യങ്ങളാണ് ഇപ്പോൾ ഓസ്ട്രേലിയയിലേത്. അത് അവർക്ക് ഗുണം ചെയ്യും.”- സച്ചിൻ പറഞ്ഞു.