ഗർഭിണികൾക്ക് 5000 രൂപ; അർഹതയുള്ളവർ ആർക്കൊക്കെ?

ഗർഭിണികളുടെയും മുലയൂട്ടുന്ന അമ്മമാരുടെയും ആരോഗ്യം വർധിപ്പിക്കുക എന്ന പ്രാഥമിക ലക്ഷ്യത്തോടെ സർക്കാർ നേതൃത്വത്തിലുള്ള സംരംഭമാണ് പ്രധാനമന്ത്രി മാതൃ വന്ദന യോജന (PMMVY). സ്ത്രീകൾക്ക് ധന സഹായം നൽകുന്നതിനോടൊപ്പം പോഷകാഹാരക്കുറവ് പരിഹരിക്കുന്നതിനൊപ്പം ചികിത്സ ചെലവ് സംബന്ധിച്ച സാമ്പത്തിക ബുദ്ധിമുട്ട് ലഘൂകരിക്കാനും ഈ പദ്ധതി ലക്ഷ്യം വെക്കുന്നു.

സാമ്പത്തികമായി പിന്നോക്കം നിൽക്കുന്ന സ്ത്രീകൾക്കാണ് പി‌എം‌എം‌വി‌വൈ ആനുകൂല്യങ്ങൾ ലഭ്യമാകുക. ദൈനംദിന വേതനം നേടുന്ന സ്ത്രീകൾക്ക് ഗർഭകാലത്തെ വേതന നഷ്ടം കുറയ്ക്കാനും ഈ നിർണായക കാലയളവിൽ സ്ത്രീകൾക്ക് ആവശ്യമായ വൈദ്യ പരിചരണവും ചികിത്സയും ലഭ്യമാണെന്ന് ഉറപ്പുനൽകുകയുമാണ് പ്രോഗ്രാം ലക്ഷ്യമിടുന്നത്. അതേസമയം, കേന്ദ്ര-സംസ്ഥാന സർക്കാർ സംരംഭങ്ങളുമായി ബന്ധമുള്ള സ്ത്രീകൾക്ക് ഈ ആനുകൂല്യങ്ങൾ ലഭിക്കില്ല. മാത്രമല്ല, ആദ്യത്തെ കുട്ടിക്ക് മാത്രമേ ഈ സ്കീമിന് കീഴിലുള്ള ആനുകൂല്യങ്ങൾക്ക് അർഹതയുള്ളൂ.