കുംഭാഭിഷേകം: പഴനി ക്ഷേത്രത്തിൽ 23 മുതൽ ദർശനമില്ല
പഴനി ക്ഷേത്രത്തിൽ ഈ മാസം 23 മുതൽ 27 വരെ ഭക്തർക്ക് ദർശനം നടത്താൻ കഴിയില്ല. ജനുവരി 27നു കുംഭാഭിഷേകം നടക്കാനിരിക്കെയാണ് 23-27വരെ ദർശനം നടത്താൻ കഴിയില്ലെന്ന് ക്ഷേത്ര ഭാരവാഹികൾ അറിയിച്ചത്. കുംഭാഭിഷേകത്തോടനുബന്ധിച്ച് മുരുക ഭഗവാന്റെ നവ പാഷാണ വിഗ്രഹം ശുദ്ധികലശത്തിനു തീർഥജലത്തിൽ നിമജ്ജനം ചെയ്യുന്നതിനാലാണു ദർശനം അനുവദിക്കാത്തത്.
