എന്‍ ബി എ ; ലെബ്രോൺ ജെയിംസിന് ചരിത്രനേട്ടം
എന്‍ ബി എയില്‍ ചരിത്രനേട്ടം സ്വന്തമാക്കി ലോസ് ആഞ്ചലസ് ലേക്കേഴ്സ് താരം ലെബ്രോൺ ജെയിംസ്. ഒക്ലഹോമ സിറ്റി തണ്ടറിനെതിരായ മത്സരത്തിന്‍റെ മൂന്നാം ക്വാര്‍ട്ടറില്‍ രണ്ട് പോയന്‍റ് നേടിയതോടെ 38,388 പോയന്‍റുമായി എന്‍ബിഎ ചരിത്രത്തിലെ എക്കാലത്തെയും മികച്ച സ്കോറര്‍ എന്ന നേട്ടമാണ് ലോസ് ലെബ്രോൺ ജെയിംസ് സ്വന്തമാക്കിയത്.
38,387 പോയിന്‍റ് സ്വന്തമാക്കി എന്‍ ബി എയിലെ എക്കാലത്തെയും വലിയ ടോപ് സ്കോററായിരുന്ന കരീം അബ്ദുള്‍ ജബ്ബാറിനെ മറികടന്നാണ് ജെയിംസ് ചരിത്രം കുറിച്ചത്. മത്സരം കാണാനെത്തിയ കരീം അബ്ദുള്‍ ജബ്ബാറിനെ സാക്ഷി നിര്‍ത്തിയായിരുന്നു ജെയിംസിന്‍റെ നേട്ടം. ജെയിംസിന്‍റെ റെക്കോര്‍ഡ് നേട്ടത്തിന് സാക്ഷ്യം വഹിക്കാൻ ആരാധകരുടെ വൻ ഇടിയായിരുന്നു. 38 ലക്ഷം രൂപ വരെയായിരുന്നു മത്സരത്തിന്‍റെ ടിക്കറ്റ് നിരക്ക്.
