രാക്ഷസന് ശേഷം ഹൊറർ ത്രില്ലറുമായി അവർ എത്തുന്നു
രാക്ഷസൻ എന്ന സൈക്കോളജിക്കൽ ത്രില്ലർ ചിത്രത്തിലൂടെ ശ്രദ്ധ നേടിയ നിർമ്മാണക്കമ്പനിയാണ് ആക്സസ് ഫിലിം ഫാക്റ്ററി. ഇപ്പോഴിതാ രാക്ഷസനു ശേഷം ഒരു ഹൊറർ ത്രില്ലർ ചിത്രവുമായി എത്തുകയാണ് ആക്സസ് ഫിലിം ഫാക്റ്ററി. മിറൽ എന്നു പേരിട്ടിരിക്കുന്ന ചിത്രം നവംബർ 11 ന് കേരളത്തിൽ പ്രദർശനത്തിന് എത്തും.
ഒരു ഇടവേളയ്ക്കു ശേഷം ഭരത് നായകനാവുന്ന ഈ ചിത്രത്തിൽ വാണി ഭോജൻ ആണ് നായിക. എം ശക്തിവേൽ തിരക്കഥയെഴുതി സംവിധാനം ചെയ്യുന്ന ചിത്രത്തിൽ കെ എസ് രവികുമാർ, മീര കൃഷ്ണൻ, രാജ്കുമാർ, കാവ്യ അറിവുമണി തുടങ്ങിയവർ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ആക്സസ് ഫിലിം ഫാക്ടറിയുടെ ബാനറിൽ ജി ഡില്ലി ബാബു നിർമ്മിക്കുന്ന ഈ ചിത്രത്തിന്റെ ഛായാഗ്രഹണം സുരേഷ് ബാല നിർവ്വഹിക്കുന്നു.
