22 വർഷം പഴക്കമുള്ള മാരുതിയുമായി എംജി ശ്രീകുമാർ

22 വർഷം പഴക്കമുള്ള മാരുതി 800 നിരത്തിലിറക്കി എംജി ശ്രീകുമാർ.ഗായകൻ എന്ന നിലയിലുള്ള വരുമാനം കൊണ്ട് 22 വർഷം മുൻപാണ് തമിഴ്‌നാട് റജിസ്‌ട്രേഷനുള്ള ഈ മാരുതി 800 എം ജി ശ്രീകുമാർ വാങ്ങുന്നത്. ചെന്നൈയിലാണ് ഉപയോഗിച്ചിരുന്നതും. കൊല്ലം അയത്തിലാണ് ചുവന്ന കാറിനെ മിനുക്കി വെള്ളയാക്കി ഇറക്കിയത്.

മലയാളി രണ്ടു പതിറ്റാണ്ടിനിടെ പാടി നടക്കുന്ന പാട്ടുകൾ നിറഞ്ഞുനിൽക്കുന്ന ഇടമാണ്. അന്ന് ഒന്നരലക്ഷത്തിനു വാങ്ങിയ ഈ വണ്ടിയിലാണ് നരസിംഹത്തിലെ പഴനിമല മുരുകന് ഹരോഹര.. ഗാനം പാടാൻ പോയത്. വല്യേട്ടനിലെ നിറനാഴി പൊന്നിൻ… പാടാൻ പോയതും അതേ വർഷം ഇതേ കാറിലാണ്. മോഹൻലാലും പ്രിയദർശനും രവീന്ദ്രനും ഔസേപ്പച്ചനും ഒക്കെ പലതവണ കൂടെ കയറിയിട്ടുണ്ട് ഇതേ കാറിൽ.