എം.ബി.ബി.എസ് ക്ലാസുകൾ നവംബറിൽ തുടങ്ങും

2022-23 എം.ബി.ബി.എസ് ബാച്ചിന്റെ ക്ലാസുകൾ 2022 നവംബർ 15ന് തുടങ്ങും. ഇതു സംബന്ധിച്ച മാർഗനിർദേശങ്ങൾ ദേശീയ മെഡിക്കൽ കമ്മിഷൻ പുറപ്പെടുവിച്ചു. റെഗുലർ പരീക്ഷകൾക്കും സപ്ലിമെന്ററി പരീക്ഷകൾക്കും ഒരു മാസ ഇടവേള വേണം. ഫലം 15 ദിവസത്തിനകം പ്രസിദ്ധീകരിക്കണം. സപ്ലിമെന്ററി ബാച്ചുകൾ ഉണ്ടാവുമെന്നും കമ്മിഷൻ വ്യക്തമാക്കി. ഒന്നാം വർഷ ക്ലാസുകൾ 2022 നവംബർ 15ന് ആരംഭിച്ച് 2023 ഡിസംബർ 15ന് അവസാനിക്കും. അനാട്ടമി, ഫിസിയോളജി, ബയോകെമിസ്ട്രി എന്നിവയാണ് വിഷയങ്ങൾ. ആകെ 13 മാസമായിരിക്കും ക്ലാസുകൾ. രണ്ടാം വർഷം 2023 ഡിസംബർ 16ന് ആരംഭിച്ച് 2025 ജനുവരി 15ന് അവസാനിക്കും.