നിയന്ത്രണങ്ങൾക്ക് ഒരുങ്ങി ‘ലിയോ’ ടീം

വിജയ്-ലോകേഷ് കനകരാജ് കൂട്ടുകെട്ടിന്റെ ‘ലിയോ’ കശ്മീരിൽ ഒരുങ്ങുകയാണ്. ആരാധകരേറെ പ്രതീക്ഷയോടെ കാത്തിരിക്കുന്ന സിനിമയുടെ ചില ലൊക്കേഷൻ ചിത്രങ്ങളും വീഡിയോകളും സമൂഹ മാധ്യമങ്ങളിൽ പ്രചരിച്ചിരുന്നു. ഇത്തരം ചിത്രങ്ങൾ പ്രചരിക്കുന്നത് തടയാനുള്ള നടപടികൾക്ക് ഒരുങ്ങിയിരിക്കുകയാണ് സിനിമയുടെ അണിയറ പ്രവർത്തകർ.

ഷൂട്ടിംഗ് സ്ഥലത്ത് നിന്നുള്ള സ്റ്റില്ലുകളും ചിത്രങ്ങളും ചോരുന്നത് തടയാൻ ലിയോയുടെ നിർമ്മാതാക്കൾ ഒരു ടീമിനെ നിയോഗിച്ചു. കൂടാതെ സിനിമയുടെ ചിത്രീകരണ വേളയിൽ മൊബൈൽ ഫോണുകളുടെ ഉപയോഗത്തിന് നിരോധനവും ഏർപ്പെടുത്തിയിട്ടുണ്ട്.