പാലക്കാട് ചിത്രകാരന് അവഹേളനം
ചിത്രം വരയ്ക്കാനെത്തിയ ചിത്രകാരനെ അപമാനിച്ചതായി പരാതി. പാലക്കാട് കോട്ടയുടെ പുറത്ത് നിന്ന് ചിത്രം പകര്‍ത്തിക്കൊണ്ടിരുന്ന സൂരജ് ബാബുവിനെ ജീവനക്കാര്‍ തടസപ്പെടുത്തി എന്നാണ് പരാതി.
സ്റ്റാന്റ് ഉപയോഗിച്ചും കൈയിൽ വച്ചും ക്യാൻവാസിൽ ചിത്രം വരയ്ക്കാൻ അനുവദിക്കിലെന്ന് ജീവനക്കാർ പറഞ്ഞുവെന്നാണ് പരാതി. മൊബൈലില്‍ ചിത്രങ്ങളും വിഡിയോകളും പകര്‍ത്തുന്നതിന് നിയന്ത്രണമില്ലെന്നിരിക്കെയാണ് വിദേശരാജ്യങ്ങളിലടക്കം യാത്ര ചെയ്ത് തത്സമയ ചിത്രങ്ങള്‍ വരയ്ക്കുന്ന സൂരജിന്റെ ചിത്ര വര തടസപ്പെടുത്തിയത്.
