ഇന്ത്യ- പാകിസ്ഥാന്‍ മത്സരം നാളെ
ഐസിസി ട്വന്‍റി 20 ലോകകപ്പിന്‍റെ എട്ടാം എഡീഷന് ഇന്ന് ഓസ്ട്രേലിയിൽ തുടക്കം. യോഗ്യത റൗണ്ട് കടന്നെത്തിയ നാലു ടീമുകളടക്കം രണ്ട് ഗ്രൂപ്പുകളിലായി 12 ടീമുകളാണ് ലോകകപ്പിനായി ഏറ്റുമുട്ടുന്നത്. സിഡ്നിയിൽ ഉച്ചയ്ക്ക് 12.30 നു നടക്കുന്ന ഉദ്ഘാടന മൽസരത്തിൽ ആതിഥേയരായ ഓസ്ട്രേലിയ ന്യുസിലൻഡിനെ നേരിടും.
പെർത്തിൽ വൈകിട്ട് 4.30 മുതൽ നടക്കുന്ന രണ്ടാം മൽസരത്തിൽ അഫ്ഗാനിസ്ഥാൻ ഇംഗ്ലണ്ടുമായി ഏറ്റുമുട്ടും. ഇന്ത്യയുടെ ആദ്യ മൽസരം നാളെ ഉച്ചയ്ക്ക് 1.30 മുതൽ പാകിസ്ഥാനെതിരെയാണ്.
ഗ്രൂപ്പ് ഒന്നിൽ അഫ്ഗാനിസ്ഥാൻ, ഓസ്ട്രേലിയ, ഇംഗ്ലണ്ട്, അയർലണ്ട്, ന്യുസിലൻഡ്, ശ്രീലങ്ക എന്നീ രാജ്യങ്ങളും ഗ്രൂപ്പ് രണ്ടിൽ ഇന്ത്യ, ബംഗ്ലാദേശ്, പാകിസ്ഥാൻ, നെതർലൻഡ്സ്, സൗത്ത് ആഫ്രിക്ക, സിംബാബ്വെ എന്നീ രാജ്യങ്ങളുമാണുള്ളത്. നവംബര്‍ 9,10 തീയതികളില്‍ സെമി ഫൈനല്‍ മത്സരങ്ങളും . 13 ന് ഫൈനല്‍ പോരാട്ടവും നടക്കും.
