യോ യോ ഹണി സിംഗിന് വധഭീഷണി

ഗായകനും റാപ്പറുമായ യോ യോ ഹണി സിംഗിന് വധഭീഷണി. ആധോലോക ഗുണ്ടയായ ഗോൾഡി ബ്രാറിൽ നിന്നാണ് വധഭീഷണി നേരിടുന്നത് എന്നാണ് ഹണി സിംഗ് പറയുന്നത്. ഗോൾഡി ബ്രാറിന്റെ സംഘത്തിന്റെ ഭാഗമാണെന്ന് അവകാശപ്പെടുന്ന ആളുകളിൽ നിന്ന് ഹണി സിംഗിന് ഫോൺ കോളുകൾ ലഭിച്ചതായാണ് വിവിധ ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. സംഭവത്തെ തുടർന്ന് സിംഗ് ദില്ലി പോലീസിൽ പരാതി നൽകി. സ്റ്റേഷനില്‍ നേരിട്ടെത്തിയാണ് ഹണി സിംഗ് പരാതി നല്‍കിയത്.