സ്വർണ്ണ വില സർവ്വകാല റെക്കോർഡിൽ

സംസ്ഥാനത്ത് ഇന്ന് സ്വർണ്ണ വില സർവ്വകാല റെക്കോർഡിൽ. വമ്പൻ കുതിപ്പാണ് ഇന്ന് ഒറ്റ ദിവസം കൊണ്ട് സ്വർണ്ണ വിലയിൽ ഉണ്ടായത്. പവന് ഇന്ന് 840 രൂപയാണ് വർധിച്ചത്. ഇതോടെ വീണ്ടും സ്വർണ്ണ വില 66000 കടന്നു. ഇന്ന് ഒരു പവൻ സ്വർണ്ണത്തിന്റെ വിപണി വില 66720 രൂപയാണ്.കഴിഞ്ഞ മൂന്ന് ദിവസം കൊണ്ട് 1240 രൂപയാണ് സ്വർണ്ണത്തിന് ഉയർന്നത് . ഒരു ഗ്രാം 22 കാരറ്റ് സ്വർണ്ണത്തിന്റെ വിപണി വില 8340 രൂപയാണ്. ഒരു ഗ്രാം 18 കാരറ്റ് സ്വർണ്ണത്തിന്റെ വിപണി വില 6840 രൂപയാണ്. വെള്ളിയുടെ വിലയും കുത്തനെ ഉയർന്നിട്ടുണ്ട്.. ഒരു ഗ്രാം സാധാരണ വെള്ളിയുടെ വില 112 രൂപയാണ്.