ചുമയും ജലദോഷവും പ്രശ്നമാകുന്നുണ്ടോ; തരും ഉടനടി ആശ്വാസം ഈ ചായകൾ
ചുമയും ജലദോഷവും ഇടയ്ക്കെങ്കിലും ചിലർക്കൊക്കെ പ്രശ്നമാകാറുണ്ട്. എന്നാൽ ഈ പ്രശ്നത്തിന് പരിഹാരം നാം ദിവസവും കുടിക്കുന്ന ചായകളിൽ തന്നെയുണ്ട്. വെറും ചായ അല്ല രോഗങ്ങളെ പ്രതിരോധിക്കാൻ സഹായിക്കുന്ന അഞ്ച് സ്പെഷ്യൽ ചായകളാണ് ഇത്.
ഇഞ്ചി ചായ: അണുബാധയ്ക്ക് കാരണമായേക്കാവുന്ന സൂക്ഷ്മാണുക്കളുടെ വളർച്ചയെ ഫലപ്രദമായി തടയാൻ കഴിയുന്ന ആന്റി-ഇൻഫ്ലമേറ്ററി ഗുണങ്ങളാൽ നിറഞ്ഞ അതിശയകരമായ ഔഷധങ്ങളിൽ ഒന്നാണ് ഇഞ്ചി.
കറുവപ്പട്ട, ഗ്രാമ്പൂ, ലെമൺ ടീ: ജലദോഷവും ചുമയും ഉള്ളവർക്കുള്ള മറ്റൊരു നല്ല ചായയാണ് കറുവപ്പട്ട, ഗ്രാമ്പൂ, ചെറു നാരങ്ങ ചായ. ഈ ചായയിലെ എല്ലാ ചേരുവകളും ആന്റി ബാക്ടീരിയൽ ഗുണങ്ങളാൽ നിറഞ്ഞതാണ്, ഇത് ചുമയ്ക്ക് കാരണമായ സൂക്ഷ്മാണുക്കളെ ഇല്ലാതാക്കാൻ സഹായിക്കുന്നു.
യൂക്കാലിപ്റ്റസ് ടീ: ഒരു കപ്പ് യൂക്കാലിപ്റ്റസ് ചായ കുടിക്കുന്നത് ജലദോഷം, ചുമ എന്നിവയുടെ ലക്ഷണങ്ങളിൽ നിന്ന് തൽക്ഷണം ആശ്വാസം നേടാൻ നിങ്ങളെ സഹായിക്കും.
തേൻ-തുളസി ചായ: വളരെയധികം ഔഷധ ഗുണങ്ങൾ ഉള്ള ഒരു സസ്യമാണ് തുളസി. ജലദോഷത്തിനും ചുമയ്ക്കും എതിരെ പോരാടുന്ന നിരവധി ആരോഗ്യ ഗുണങ്ങളാൽ നിറഞ്ഞതാണ് തുളസി. ഹോളി ബേസിൽ എന്നറിയപ്പെടുന്ന തുളസിയിൽ ആന്റിമൈക്രോബയൽ, ആന്റി-ഇൻഫ്ലമേറ്ററി, ആന്റിട്യൂസിവ് (ചുമ ഒഴിവാക്കൽ), അലർജി വിരുദ്ധ ഗുണങ്ങൾ എന്നിവ അടങ്ങിയിട്ടുണ്ട്. ഇത് ജലദോഷം, ചുമ എന്നിവയുടെ ലക്ഷണങ്ങളിൽ നിന്ന് തൽക്ഷണ ആശ്വാസം നൽകാൻ സഹായിക്കുന്നു.
കാശിത്തുമ്പ ചായ: ജലദോഷത്തിനും ചുമയ്ക്കും എതിരായ മറ്റൊരു ഔഷധമാണ് കാശിത്തുമ്പ. കാശിത്തുമ്പയിൽ ആന്റി ബാക്ടീരിയൽ ഗുണങ്ങൾ അടങ്ങിയിട്ടുണ്ട്. ഇത് സൂക്ഷ്മാണുക്കളുടെ വളർച്ചയ്‌ക്കെതിരെ മികച്ച രീതിയിൽ പ്രവർത്തിക്കുന്നു.
