ബോളിവുഡ് സംവിധായകൻ അന്തരിച്ചു

ബോളിവുഡിലെ ഹിറ്റുകളുടെ സംവിധായകൻ ഇസ്മായിൽ ഷറോഫ്‌ (62) അന്തരിച്ചു. ഹൃദയാഘാതത്തെ തുടർന്ന് ചികിത്സയിലായിരുന്ന കോകിലബെൻ ധീരുബായ് അംബാനി ആശുപത്രിയിലായിരുന്നു അന്ത്യം. ഒരു മാസം മുമ്പാണ് ഹൃദയാഘാതത്തെ തുടർന്ന് ഷറോഫിനെ ആശുപത്രിയിൽ പ്രവേശിപ്പിച്ചത്. 80കളിലും 90കളിലുമാണ് അദ്ദേഹം ബോളിവുഡിൽ സംവിധായകനായി നിറഞ്ഞു നിന്നത്. ‘ലവ് 86’ എന്ന ചിത്രത്തിലൂടെ നടൻ ഗോവിന്ദയെ സിനിമയിലെത്തിച്ചത് ഷറോഫാണ്. ആഹിസ്ത ആഹിസ്ത, സിദ്, അഗർ, ഗോഡ് ആൻഡ് ഗൺ, പൊലീസ് പബ്ലിക്, ദിൽ ആഹിർ ദിൽ ഹെ, സൂര്യ, ജൂട്ട സച്ച് തുടങ്ങിയവയാണ് അദ്ദേഹം സംവിധാനം ചെയ്ത സിനിമകൾ. 2004 ലെ തോഡ ഹം ആണ് അവസാനമായി സംവിധാനം ചെയ്തത്.