ഭാരത് ജോഡോ യാത്രക്ക് എസ്എഫ്‌ഐ നേതാക്കള്‍ സ്വീകരണം നല്‍കി
രാഹുല്‍ ഗാന്ധി നയിക്കുന്ന കോണ്‍ഗ്രസ് ഭാരത് ജോഡോ യാത്രക്ക് സ്വാഗതമേകി എസ്എഫ്‌ഐ. കര്‍ണൂലിലെ അധോണി മണ്ഡലത്തില്‍ വെച്ചാണ് എസ്എഫ്‌ഐ നേതാക്കള്‍ യാത്രക്ക് സ്വീകരണം നല്‍കിയത്. എസ്എഫ്‌ഐ അധോണി ഏരിയ കമ്മറ്റി നേതാക്കളാണ് യാത്രയെ സ്വീകരിക്കാനെത്തിയത്.
ദേശീയ തലത്തില്‍ ബിജെപിക്കെതിരെയുള്ള പോരാട്ടം നയിക്കാന്‍ രാഹുല്‍ ഗാന്ധിക്ക് കഴിയുമെന്ന് എസ്എഫ്‌ഐ നേതാക്കള്‍ പറഞ്ഞുവെന്ന് കേരളത്തില്‍ നിന്നുള്ള യാത്ര ദേശീയ പദയാത്രികന്‍ ജി മഞ്ജുക്കുട്ടന്‍ പ്രതികരിച്ചു. സംസ്ഥാനത്തിന്റെ വികസനത്തെ കുറിച്ച് നിവേദനവും എസ്എഫ്‌ഐ നേതാക്കള്‍ രാഹുല്‍ ഗാന്ധിക്ക് കൈമാറിയെന്നും മഞ്ജുക്കുട്ടന്‍ പറഞ്ഞു.
