15 ലക്ഷം ദീപങ്ങള്‍ ഒരുക്കി അയോദ്ധ്യ
ഏറെ പ്രതീക്ഷയോടെ കാത്തിരിക്കുന്ന ദീപോത്സവ ചടങ്ങിന് ഇന്ന് അയോദ്ധ്യ വേദിയാകും. 15 ലക്ഷത്തിലധികം ദീപങ്ങള്‍ ഇന്ന് പ്രകാശിക്കും. സരയൂ നദിയുടെ തീരത്തുള്ള രാം കി പൈഡിയിലും മറ്റ് 37 സ്‌നാന ഘട്ടങ്ങളിലും മണ്‍വിളക്കുകള്‍ ഇതിനകം സ്ഥാപിച്ചിട്ടുണ്ട്. റിപ്പോര്‍ട്ടുകള്‍ പ്രകാരം ഏകദേശം 18,000 സന്നദ്ധപ്രവര്‍ത്തകര്‍ ദീപോത്സവ പരിപാടിയില്‍ പങ്കെടുക്കും. ഏറ്റവും കൂടുതല്‍ മണ്‍വിളക്കുകള്‍ തെളിച്ച് പുതിയ ഗിന്നസ് റെക്കോര്‍ഡ് സ്ഥാപിക്കാനുള്ള ശ്രമത്തിലാണ് അയോദ്ധ്യ ഭരണകൂടം. വൈകിട്ട് നഗരത്തില്‍ എത്തുന്ന പ്രധാനമന്ത്രി രാം ലല്ല വിരാജ്മാന്‍ അഭിഷേകം നടത്തും.
