ഒഎന്‍വി സാഹിത്യ പുരസ്‌കാരം നോവലിസ്റ്റ് സി രാധാകൃഷ്ണന്
ഈ വര്‍ഷത്തെ ഒഎന്‍വി സാഹിത്യ പുരസ്‌കാരം നോവലിസ്റ്റ് സി രാധാകൃഷ്ണന്. മൂന്ന് ലക്ഷവും ശില്‍പവും പ്രശസ്തി പത്രവും അടങ്ങുന്നതാണ് പുരസ്‌കാരം. യുവ സാഹിത്യ പരുസ്‌കാരം നീതു സി സുബ്രഹ്മണ്യനും രാഖി ആര്‍ ആചാരിയും പങ്കിട്ടു. ഡോ. ജോർജ്‌ ഓണക്കൂർ അദ്ധ്യക്ഷനും പ്രഭാവർമ്മ, റോസ്‌ മേരി എന്നിവർ അംഗങ്ങളുമായ സമിതിയാണ്‌ പുരസ്‌കാരം നിർണയിച്ചത്‌. ഈ മാസം 27 ന് തിരുവനന്തപുരത്ത് വെച്ച് പുരസ്‌കാരങ്ങള്‍ കൈമാറും. തുടർന്ന്‌ ഒഎൻവി ഗാനസന്ധ്യയും അരങ്ങേറും.
