സാംസ്കാരിക സന്ധ്യയും, പുരസ്കാര വിതരണവും നടത്തി

ചിറയിൻകീഴ് വലിയകട മുക്കാലുവട്ടം ശ്രീ ഭദ്രകാളി ക്ഷേത്രത്തിലെ കുംഭതിരുവാതിര മഹോത്സവത്തിന്റെ ഭാ​ഗമായി സാംസ്കാരിക സന്ധ്യയും, പുരസ്കാര വിതരണവും നടന്നു. തിരുവനന്തപുരം റേഞ്ച് ഐജി ജി. സ്പർജൻകുമാർ ഐപിഎസ് സാംസ്കാരിക സന്ധ്യ ഉദ്ഘാടനം ചെയ്തു പുരസ്കാര വിതരണം നടത്തി. ചിറയിൻകീഴ് രത്ന പുരസ്കാരങ്ങൾ ന്യൂരാജസ്ഥാൻ മാർബിൾസ് എംഡി വിഷ്ണുഭക്തനും, ചിറ. ​ഗ്രാമ. പഞ്ചായത്ത് വൈസ് പ്രസിഡന്റ് ആർ സരിതയും ഏറ്റുവാങ്ങി. കർമ്മ രത്ന പുരസ്കാരം ​സ്റ്റേറ്റ് ക്രൈം റിക്കാർഡ് ബ്യൂറോ അസിസ്റ്റന്റ് കമ്മീഷണർ ആർ പ്രതാപൻ നായരും, അധ്യാപക രത്ന പുരസ്കാരം ​ഗവ. യുപിഎസ് പാലവിളയിലെ ഹെഡ്മിസ്ട്രസ് ഷാമില ബീവിയും, യുവകലാപ്രതിഭാ പുരസ്കാരങ്ങൾ ദേവ​ഗായത്രി സാജൻ, ദക്ഷിണാ ബിജു എന്നിവരും ഏറ്റുവാങ്ങി. ആരോ​ഗ്യ പ്രവർത്തകൻ ശിവദാസൻ, പത്രവിതരണത്തിൽ 50 വർഷം പൂർത്തിയാക്കിയ മണികണ്ഠൻ, ഏഷ്യൻ- ഇന്ത്യൻ റിക്കാർഡ് ജേതാവായ പത്ത് വയസുകാരൻ ശ്രീദേവ് സുജിത്, മെഡിക്കൽ എൻട്രസിൽ മികച്ച റാങ്ക് നേടിയ ​ഗൗരി സജി എന്നിവർക്ക് പ്രത്യേക പുരസ്കാരങ്ങളും സമ്മാനിച്ചു.

സാംസ്കാരിക സന്ധ്യ ചെയർമാൻ സാജൻ എസ് അധ്യക്ഷത വഹിച്ചു. ക്ഷേത്ര കമ്മിറ്റി രക്ഷാധികാരി പ്രേംകുമാർ, പ്രസിഡന്റ് മനോജ്, സെക്രട്ടറി പ്രദീപ് കുമാർ, രാജീവ് അടുന്നിലശ്ശേരി, അശ്വിൻദാസ് എന്നിവർ പങ്കെടുത്തു.