മമ്മൂക്കയിലൂടെ മലയാള സിനിമ ഒരിക്കൽക്കൂടി വിജയിക്കുന്നു ;ആന്റോ ജോസഫ്

മികച്ച പ്രതികരണങ്ങളും പ്രശംസകളും വഹിച്ചുകൊണ്ട് ‘റോഷാക്ക്’ ജനമനസുകളിൽ ഇടം നേടിയിരിക്കുകയാണ്. മലയാള സിനിമയ്ക്ക് പുത്തൻ കാഴ്ച്ചാനുഭവവുമായി ചിത്രം തിയേറ്ററുകളിൽ നിറഞ്ഞ സദസ്സിന് മുന്നിൽ പ്രദ​ർശനം തുടരുകയാണ്. ഇപ്പോഴിതാ ചിത്രത്തിന് അഭിനന്ദനങ്ങളറിയിച്ചു കൊണ്ട് എത്തിയിരിക്കുകയാണ് നിർമ്മാതാവായ ആന്റോ ജോസഫ്.

മൂന്നു ദിവസം കൊണ്ട് കേരളത്തിൽ നിന്ന് മാത്രമായി ‘റോഷാക്ക് ‘ നേടിയ ഗ്രോസ് കളക്ഷൻ 9.75 കോടിയാണ്. നല്ല സിനിമകൾ ഉണ്ടായാൽ തിയേറ്ററുകളിലേക്ക് പ്രേക്ഷകർ ആവേശത്തോടെ ഇരമ്പിച്ചെല്ലും എന്ന് ഒരിക്കൽക്കൂടി തെളിയിക്കാൻ ‘റോഷാക്കി’ന് കഴിഞ്ഞു. ‘റോഷാക്ക്’ വിജയിക്കുമ്പോൾ മമ്മൂക്കയിലൂടെ മലയാള സിനിമയും ഒരിക്കൽക്കൂടി വിജയിക്കുന്നു എന്നാണ് ആന്റോ ജോസഫ് ഫേസ്ബുക്കിലൂടെ കുറിച്ചത്.