വിനീതിന് കുറച്ച് വില്ലൻ സ്വഭാവങ്ങളുണ്ട് ; അഭിനവ് സുന്ദർ നായക്
മുകുന്ദൻ ഉണ്ണി അസോസിയേറ്റ്സ് വിനീത് ശ്രീനിവാസൻ ചെയ്യുന്ന തരം സിനിമയല്ലെന്ന് സംവിധായകൻ അഭിനവ് സുന്ദർ നായക്. കഥയെ സ്വീകരിച്ചെങ്കിലും ആശയപരമായി വിനീതിന് കഥാപാത്രത്തോട് എതിർപ്പുകൾ ഉണ്ടെന്നും അദ്ദേഹം പറഞ്ഞു.
‘വിനീത് ശ്രീനിവാസൻ മുൻപ് ചെയ്ത തരം സിനിമയല്ല മുകുന്ദൻ ഉണ്ണി അസോസിയേറ്റ്സ്. വിനീത് ബ്രാൻഡ് ചെയ്യപ്പെട്ടിരിക്കുന്ന തരം കഥാപാത്രവുമല്ല. കുറച്ച് വില്ലൻ സ്വഭാവങ്ങളുണ്ട്, അതിനെ സിനിമ ന്യായീകരിക്കുന്നില്ല.
എനിക്ക് പറയാനുള്ള ചിലത് ഞാൻ സിനിമയിലൂടെ പറയാൻ ശ്രമിച്ചിട്ടുണ്ട്. ഒരുപക്ഷെ അത് ആളുകളിൽ അമർഷമുണ്ടാക്കിയേക്കാം. എന്റെ രീതികൾ വെച്ച് നോക്കുമ്പോൾ ഞാൻ ചെയ്യുന്നതിൽ ആളുകൾക്ക് ഏറ്റവും കുറവ് നീരസമുണ്ടാക്കിയേക്കാവുന്ന കഥയാകും ഇത്, എന്റെ ആദ്യ ചിത്രം. വിനീതിന് കഥാപാത്രമാകാൻ ബുദ്ധിമുട്ടുണ്ടായില്ല. കാരണം തൻ്റെ സേഫ്സോണിന് പുറത്ത് അഭിനയിക്കാൻ ഇഷ്ടപ്പെടുന്ന നടനാണ് അദ്ദേഹം. പക്ഷെ ആശയപരമായി അദ്ദേഹത്തിന് ചില എതിർപ്പുകൾ ഉണ്ട്,’ അഭിനവ് സുന്ദർ നായക് പറഞ്ഞു.
