മിസ്സിസ് വേൾഡ് ഗ്ലോബൽ ക്യൂൻ അവാർഡ് ഡോക്ടർ ഷംല ഹലീമക്ക്

ലോകത്തിന്റെ വിവിധ രാഷ്ട്രങ്ങളിൽ നിന്നും വന്ന 50 ത് ഓളം വീട്ടമ്മമാരായ മത്സരാർത്ഥികളിൽ നിന്നുമായാണ് തെരഞ്ഞെടുക്കപ്പെട്ടത്. ഇന്ത്യൻ ക്ലാസിക്കൽ കാറ്റഗറിയുടെ കിരീടമാണ് ഡോക്ടർ ഷംല ഹലീമയ്ക്ക് ലഭിച്ചത്. ഇതിൽ ഐക്കോണിക്ക് ഐ വിന്നർ ബെസ്റ്റ് വുമൺ എന്റർപ്രണർ 2023 അവാർഡും ലഭിച്ചു. മികച്ച വനിതാ സംരംഭക ആയും തെരഞ്ഞെടുക്കപ്പെട്ടു.

മുംബൈയിൽ വെച്ചാണ് റോയൽ ഗ്ലോബൽ അച്ചീവർ അവാർഡ് സീസൺ ത്രീ നടന്നത്. അതിൽ ഇന്ത്യയെ കൂടാതെ ബംഗ്ലാദേശ്, കാനഡ, സിംഗപ്പൂർ, ഇറാൻ എന്നിവിടങ്ങളിൽ നിന്നുള്ള മത്സരാർത്ഥികളും പങ്കെടുത്തിരുന്നു. അഭിനേതാക്കളായ അഫ്താബ് ശിവദാസാനി, അലി ഖാൻ, ഗായകൻ അലി കുലിമിർസ, ബ്രാൻഡ് അംബാസഡർ നടി ജ്യോതി യാദവ് എന്നിവർ ചടങ്ങിൽ പങ്കെടുത്തിരുന്നു. ഡോക്ടർ നീലം പരാഡിയയും കൽപ്പേഷ് പരാഡിയയും സംഘടിപ്പിച്ച ചടങ്ങിൽ പങ്കെടുത്തവർ ദേശീയ വസ്ത്രത്തിൽ തങ്ങളുടെ രാജ്യത്തിന്റെ സമ്പന്നമായ പൈതൃകവും, സംസ്കാരവും പ്രദർശിപ്പിച്ച് നിരവധി റൗണ്ട് മത്സരങ്ങൾ നടത്തി. സ്ത്രി ശാക്തീകരണത്തിന് ഊന്നൽ നൽകുകയും, എൽ ജി ബി ടി ക്യു കമ്മ്യൂണിറ്റിയെ അതിന്റെ ആദ്യ ട്രാൻസ് മത്സരാർഥിയായി അവതരിപ്പിക്കുകയും ചെയ്തു.