തട്ടിക്കൊണ്ട് പോയ യുവാവിനെ കണ്ടെത്തി

പത്തനംതിട്ടയിൽ നിന്ന് തട്ടിക്കൊണ്ട് പോയ ബാബുക്കുട്ടന്‍ എന്ന യുവാവിനെ കാലടിയില്‍ നിന്ന് പൊലീസ് കണ്ടെത്തി. യുവാവിന്റെ ഫോണ്‍ കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് യുവാവിനെ കാലടിയില്‍ നിന്ന് പൊലീസിന് കണ്ടെത്താന്‍ സാധിച്ചത്. KL 11 BT 7657 എന്ന നമ്പരിലുള്ള ഇന്നോവയില്‍ ഉച്ച കഴിഞ്ഞ് 2.40 ന് വന്ന സംഘമാണ് വെട്ടൂരുള്ള വീട്ടില്‍ നിന്ന് ബാബുക്കുട്ടനെ തട്ടിക്കൊണ്ട് പോയത്. തടയാൻ ശ്രമിച്ച അച്ഛനെയും അമ്മയേയും ആക്രമി സംഘം ഉപദ്രവിച്ചു.

കാര്‍ പാഞ്ഞു പോകുന്ന ദൃശ്യം സമീപത്തെ സിസിടിവികളില്‍ പതിഞ്ഞിട്ടുണ്ട്. ബാബുക്കുട്ടനെ പിടിച്ചു കൊണ്ടു പോകാന്‍ എത്തിയ ഒരാളുടെ ചിത്രം വീട്ടുകാര്‍ തിരിച്ചറിഞ്ഞിട്ടുണ്ട്. ഇയാള്‍ കോഴിക്കോട് ഉണ്ണികുളം വട്ടക്കണ്ടി സ്വദേശിയെന്നാണ് സൂചന.