സ്പൈ യൂണിവേഴ്സിൽ പൃഥ്വിരാജും ?
ഏറെ കാലമായി അഭ്യൂഹങ്ങളിൽ ഉണ്ടായിരുന്ന ‘സ്പൈ യൂണിവേഴ്സ്’ ഫ്രാഞ്ചൈസി പഠാനോടെയാണ് ഉറപ്പായത്. സൽമാൻ ഖാനും കത്രീന കൈഫും പ്രധാന വേഷത്തില്‍ എത്തുന്ന ടൈഗർ സീരീസ്, ഹൃത്വിക് റോഷൻ, ടൈഗർ ഷ്റോഫ് എന്നിവര്‍ ഒന്നിച്ച് എത്തിയ വാർ എന്നീ ചിത്രങ്ങള്‍ വൈആര്‍എഫ് ‘സ്പൈ യൂണിവേഴ്സിന്റെ’ ഭാഗമാണ്. ഭാവിയില്‍ സല്‍മാനും, ഷാരൂഖും, ഹൃത്വികും ഒന്നിക്കുന്ന വലിയ പദ്ധതികള്‍ക്ക് അരങ്ങ് ഒരുങ്ങുമ്പോൾ യൂണിവേഴ്സിന്റെ ഭാഗമാകുകയാണ് പൃഥ്വിരാജും.
യാഷ് രാജ് ഫിലിംസ് ഉടമ ആദിത്യചോപ്ര ഏറെക്കാലമായി പരിശ്രമിക്കുന്ന ഒരു പദ്ധതിയാണ് വൈആര്‍എഫ് ‘സ്പൈ യൂണിവേഴ്സ്’. ഇന്ത്യൻ സിനിമയുടെ ചരിത്രത്തിലെ ഏറ്റവും വലിയ ഫ്രാഞ്ചൈസിയാക്കാന്‍ ആദിത്യ ചോപ്ര വര്‍ഷങ്ങളായുള്ള തയ്യാറെടുപ്പിലായിരുന്നു. ഷാരൂഖ് ഖാൻ, സൽമാൻ ഖാൻ, ഹൃത്വിക് റോഷൻ, കത്രീന കൈഫ്, ദീപിക പദുക്കോൺ, ജോൺ എബ്രഹാം, ടൈഗർ ഷ്റോഫ്, വാണി കപൂർ തുടങ്ങിയവരാണ് ഇതുവരെ സ്പൈ യൂണിവേഴ്സല്‍ ചിത്രങ്ങളില്‍ ഉള്ളത്.
