വെറൈറ്റി വെള്ളരിക്ക സാലഡ്

വേണ്ട ചേരുവകൾ
വെള്ളരിക്ക 1 എണ്ണം (ചെറുത്)
തേൻ അല്ലെങ്കിൽ ശർക്കര 3 ടീസ്പൂൺ
ഉപ്പ് ആവശ്യത്തിന്
നാരങ്ങ നീര് 5 ടീസ്പൂൺ
ഇഞ്ചി 1 കഷ്ണം
സോയ സോസ് 3 ടീസ്പൂൺ
എള്ളെണ്ണ 1 ടീസ്പൂൺ
വറുത്ത എള്ള് 1 ടീസ്പൂൺ
ചുവന്ന കാപ്സിക്കം 2 ടീസ്പൂൺ ( ചെറുതായി അരിഞ്ഞത്)

ഇങ്ങനെ തയാറാക്കൂ…
ആദ്യം വെള്ളരിക്ക നേർത്ത കഷ്ണങ്ങളാക്കി മാറ്റി വയ്ക്കുക. ശേഷം ഒരു പാത്രത്തിൽ നിങ്ങളുടെ താത്പര്യാനുസരണം ശർക്കര അല്ലെങ്കിൽ തേൻ അൽപം ഇടണം. ഇതിലേക്ക് അൽപം ചെറുനാരങ്ങാനീരും അൽപം ഉപ്പും ചേർക്കണം. പാത്രത്തിൽ ഇഞ്ചി അരച്ച് കുറച്ച് സോയ സോസ് ചേർക്കുക. അൽപം എള്ളെണ്ണ ചേർക്കുക. ശേഷം വറുത്ത എള്ള് പാത്രത്തിലേക്ക് ചേർക്കുക. ശർക്കര പൂർണ്ണമായും അലിഞ്ഞുപോകുന്നതുവരെ എല്ലാം മിക്സ് ചെയ്യുക. അരിഞ്ഞ് വച്ചിരിക്കുന്ന ചുവന്ന മുളക് ചേർക്കുക. ഏകദേശം 15 മിനിറ്റ് സാലഡ് ഫ്രിഡ്ജിൽ വയ്ക്കുക. ശേഷം കഴിക്കാവുന്നതാണ്.