ചാമ്പ്യന്‍സ് ലീഗ്: പ്രീ ക്വാര്‍ട്ടര്‍ പോരാട്ടങ്ങള്‍ക്ക് ഇന്ന് തുടക്കം
യുവേഫ ചാംപ്യൻസ് ലീഗിൽ പ്രീക്വാർട്ടർ മത്സരങ്ങൾക്ക് ഇന്ന് തുടക്കം. സൂപ്പർപോരാട്ടത്തിൽ ആദ്യ ചാംപ്യൻസ് ലീഗ് ലക്ഷ്യമിടുന്ന പി എസ് ജി, ബയേൺ മ്യൂണിക്കിനെയും ടോട്ടനം എസി മിലാനെയും നേരിടും. 2020 ചാംപ്യൻസ് ലീഗ് ഫൈനലിൽ പി എസ് ജിയെ തകർത്താണ് ബയേൺ മ്യൂണിക്ക് കിരീടമുയർത്തിയത്. തൊട്ടടുത്ത വർഷം ക്വാർട്ടറിൽ പി എസ് ജി പകരം വീട്ടി.
ജർമ്മൻ കരുത്തർ ഒരിക്കൽകൂടി മുന്നിലെത്തുമ്പോൾ ടീമിന്‍റെ മോശം ഫോമാണ് പി എസ് ജിയുടെ തലവേദന. ഫ്രഞ്ച് കപ്പിൽ മാഴ്സെയോട് തോറ്റ് പുറത്തായ പി എസ് ജി, ലീഗിൽ മൊണാക്കോയോടും തോറ്റു. സൂപ്പര്‍ താരങ്ങളായ ലിയോണല്‍ മെസി, നെയ്മർ, കിലിയന്‍ എംബാപ്പെ ത്രയം ഇന്ന് പി എസ് ജിക്കായി കളിക്കുമെന്നാണ് സൂചന.
