ലഖ്നൗ ട്വൻ്റി 20യിൽ ഇന്ത്യക്ക് 6 വിക്കറ്റ് ജയം
ആവേശകരമായ ലഖ്നൗ ട്വൻ്റി 20യിൽ 6 വിക്കറ്റ് ജയത്തോടെ ഇന്ത്യ പരമ്പരയിൽ ഒപ്പമെത്തി. ന്യുസീലാൻഡിൻ്റെ 99 റൺസ് ഇന്ത്യ ഒരു പന്ത് ശേഷിക്കെ മറി കടന്നു. സ്പിന്നർമാർ ആധിപത്യം പുലർത്തിയ മൽസരത്തിൽ പുറത്താകാതെ 26 റൺസ് എടുത്ത സൂര്യകുമാർ യാദവും 15 റൺസ് എടുത്ത ക്യാപ്റ്റൻ ഹാർദിക് പാണ്ഡ്യയുമാണ് ഇന്ത്യയെ ജയത്തിൽ എത്തിച്ചത്. പരമ്പരയിൽ നിർണായകമായ മൂന്നാം മൽസരം ബുധനാഴ്ച അഹമ്മദാബാദിൽ നടക്കും.
