പുടിന്റെ കൈകള്‍ പർപ്പിൾ നിറത്തിൽ
റഷ്യന്‍ പ്രസിഡന്‍റ് പുടിന്റെ കൈകള്‍ പർപ്പിൾ നിറത്തിൽ. പുടിനും, ക്യൂബന്‍ പ്രസിഡന്‍റ് മിഗ്വൽ ഡയസ്-കാനലും കഴിഞ്ഞ ചൊവ്വാഴ്ച കൂടികാഴ്ച നടത്തിയിരുന്നു. പാശ്ചാത്യ ഉപരോധങ്ങളെ പ്രതിരോധിക്കാനും, പൊതു ശത്രുവായ വാഷിംഗ്ടണിനെതിരെ ഒന്നിച്ച് നില്‍ക്കാനും ഇരു നേതാക്കളും സംയുക്ത പ്രസ്താവന നടത്തി. എന്നാൽ, സോഷ്യൽ മീഡിയയുടെ ശ്രദ്ധ ആകർഷിച്ചത് മിസ്റ്റർ പുടിന്റെ കൈകളാണ്.
റഷ്യന്‍ ക്യൂബന്‍ നേതാക്കളുടെ പരിപാടിയുമായി ബന്ധപ്പെട്ട് പുറത്തുവന്ന ഫോട്ടോകളിലും വീഡിയോകളിലും റഷ്യന്‍ പ്രസിഡന്‍റ് പുടിന്റെ കൈകള്‍ പർപ്പിൾ നിറത്തിലാണ് കാണുന്നത്. ഇത് കുറച്ചുകാലമായി പുടിന്റെ ആരോഗ്യത്തെക്കുറിച്ചുള്ള ചർച്ചകള്‍ സജീവമായിരിക്കെയാണ് പുതിയ ചിത്രങ്ങള്‍ ചര്‍ച്ചയാകുന്നത്. റഷ്യ ക്യൂബ ഉഭയകക്ഷി ചർച്ചയ്ക്കിടെ പുടിൻ കസേരയുടെ കൈയിൽ മുറുകെ പിടിക്കുന്നത് കണ്ടതായി യുകെ ആസ്ഥാനമായുള്ള എക്സ്പ്രസ് റിപ്പോർട്ട് ചെയ്യുന്നു. പുട്ടിൻ അസ്വസ്ഥതയോടെ കാലുകൾ ചലിപ്പിക്കുന്നതും കണ്ടു എന്നും ഇവരുടെ റിപ്പോര്‍ട്ട് പറയുന്നു.
കഴിഞ്ഞ മാസം പുടിന് 70 വയസ്സ് തികഞ്ഞത്. 1962-ലെ ക്യൂബൻ മിസൈൽ പ്രതിസന്ധിക്കുശേഷം പാശ്ചാത്യരാജ്യങ്ങളുമായുള്ള ഏറ്റവും വലിയ ഏറ്റുമുട്ടലിന് ഉക്രെയ്ൻ അധിനിവേശം കാരണമായതിന് ശേഷം പുടിന് ആരോഗ്യപരമായി വലിയ വെല്ലുവിളി നേരിടുന്നു എന്നാണ് വിവരം.
