RRR ന് സാറ്റേൺ പുരസ്കാരം

ഹോളിവുഡിലെ അവാർഡായ സാറ്റേൺ പുരസ്കാരം സ്വന്തമാക്കി ‘ആർ ആർ ആർ’. മികച്ച അന്താരാഷ്ട്ര പുരസ്കാരമാണ് ചിത്രത്തിന് ലഭിച്ചിരിക്കുന്നത്. ആർ ആർ ആറിന്റെ ഒഫിഷ്യൽ ട്വിറ്റർ പേജിലൂടെയാണ് ഇക്കാര്യം അറിയിച്ചത്. സിനിമയ്ക്ക് വേണ്ടി പ്രവർത്തിച്ച എല്ലാ ടീമിനും ആശംസകൾ അറിയിക്കുന്നു എന്നാണ് കുറിച്ചിരിക്കുന്നത്.

അക്കാദമി ഓഫ് സയൻസ് ഫിക്ഷൻ, ഫാന്റസി ആൻഡ് ഹൊറർ ഫിലിംസ് വർഷം തോറും നൽകുന്ന അമേരിക്കൻ പുരസ്കാരമാണ് സാറ്റേൺ അവാർഡ്. സയൻസ് ഫിക്ഷൻ, ഫാന്റസി, സിനിമ, ഹൊറർ എന്നീ വിഭ​ഗത്തിലുള്ള സിനിമകളെയാണ് പരി​ഗണിക്കുക. ആ​ഗോള തലത്തിൽ തന്നെ ശ്രദ്ധനേടി ആരാധകരെ സ്വന്തമാക്കിയ ചിത്രമാണ് ആർ ആർ ആർ. ലോകത്തിന്റെ വിവിധ ഭാ​ഗങ്ങളിൽ സിനിമ ഇപ്പോഴും പ്രദർശിപ്പിക്കുന്നുണ്ട്.‌‌