ഈ തെരുവുനായകൾ കോടീശ്വരന്മാരാണ്!
ഗുജറാത്തിലെ കുഷ്‌കൽ ഗ്രാമത്തിലെ തെരുവ് നായകൾക്ക് സമയാസമയം ഭക്ഷണം നൽകാൻ ആളുകൾ സദാ സജ്ജരാണ്. നായകൾക്ക് ഭക്ഷണം വിളമ്പണമെന്ന് പഠിച്ചാണ് അവിടുത്തെ ഓരോ തലമുറയും വളരുന്നത്. മാത്രവുമല്ല, നായകൾക്ക് ഗ്രാമത്തിൽ കോടിക്കണക്കിന് രൂപയുടെ ആസ്തിയുമുണ്ട്.
ഏകദേശം 200 നായകളാണ് കുഷ്‌കൽ ഗ്രാമത്തിലുള്ളത്. നായകളെ പരിപാലിക്കുന്നതിനുവേണ്ടി മാത്രമുള്ള ട്രസ്റ്റിന്റെ ആസ്തി രണ്ടരക്കോടി രൂപയോളം വരും. നായകളുടെ ശബ്ദം സംഗീതം പോലെ ആസ്വദിക്കുന്ന, നായകളെ തെരുവിൽ കണ്ടാൽ കല്ലെറിയാത്ത, നായകളെ തല്ലിക്കൊല്ലാത്ത, നായകളെ ഊട്ടാനായി തിരക്ക് കൂട്ടുന്ന ആളുകളാണ് ഗ്രാമത്തിലുടനീളമുള്ളത്.
