142 കിലോ ചന്ദനം പിടികൂടി; രണ്ട് പേർ അറസ്റ്റിൽ

കണ്ണൂർ ജില്ലയിലെ തോട്ടട ചിമ്മിനിയൻ വളവിൽ 142 കിലോ ചന്ദനം പിടികൂടി. എടക്കാട് പോലീസ് നടത്തിയ വാഹന പരിശോധനയിലാണ് ഇന്നോവ കാറിൽ കടത്തുകയായിരുന്ന ചന്ദനം പിടികൂടിയത്. എ സി പി ടി കെ രത്നകുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഇൻസ്പെക്ടർ സത്യനാഥനും സ്ക്വാഡുമാണ് പ്രതികളായ കാസർകോട് കുണ്ടംകുഴി സ്വദേശി പി സിരൻ , തൃശ്ശൂർ സ്വദേശി മുഹമ്മദ് സുഫൈൽ എന്നിവരെ അറസ്റ്റ് ചെയ്തത്.