വീട്ടുവളപ്പിൽ ഭീമൻ പെരുമ്പാമ്പ്

പാലക്കാട് പോത്തുണ്ടിയിൽ തിരുത്തമ്പാടം രാമചന്ദ്രന്‍റെ വീട്ടുവളപ്പിൽ ഭീമൻ പെരുമ്പാമ്പ്. എട്ടടിയോളം നീളമുള്ള പെരുമ്പാമ്പിനെയാണ് തോട്ടത്തിൽ കണ്ടത്. നാട്ടുകാരും വീട്ടുകാരും ചേർന്ന് വനം വകുപ്പിനെ കാര്യം അറിയിച്ചതിനു പിന്നാലെ ഉദ്യോഗസ്ഥർ സ്ഥലത്തെത്തി പാമ്പിനെ പിടികൂടി. മരത്തിൽ നിന്നും പിടികൂടിയ പാമ്പിനെ വനം വകുപ്പ് ഉദ്യോഗസ്ഥർ നെല്ലിയാമ്പതി വനത്തിൽ വിട്ടു. ഇത് മൂനാം തവണയാണ് രാമചന്ദ്രന്‍റെ വീട്ടിൽ നിന്ന് പെരുമ്പാമ്പിനെ പിടികൂടുന്നത്. മുൻപ് രണ്ട് തവണയും സമാന രീതിയിൽ വീട്ടുവളപ്പിൽ കണ്ട പെരുമ്പാമ്പിനെ അന്നും വനം വകുപ്പ് ഉദ്യോഗസ്ഥർ എത്തിയാണ് പിടികൂടിയത്.