വാവാ സുരേഷിന് ഗുരുതര പരിക്ക്
ഇന്ന് രാവിലെ പതിനൊന്ന് മണിയോടെ തിരുവനന്തപുരം കിളിമാനൂരിന് അടുത്ത് തട്ടത്ത് മലയിൽ വച്ചുണ്ടായ വാഹാനപകടത്തിൽ വാവാ സുരേഷിന് പരിക്കേറ്റു. വാവാ സുരേഷിന് മുന്നിൽ പോയ മറ്റൊരു കാര്‍ നിയന്ത്രണം തെറ്റി റോ‍ഡരികിലെ ഭിത്തിയിൽ പിടിച്ചതിനു ശേഷം വാവാ സഞ്ചരിച്ചിരുന്ന ടാക്സി കാറിലേക്ക് ഇടിച്ച് കയറി. പിന്നീട് ദിശ മാറി സഞ്ചരിച്ച വാവാ സുരേഷിൻ്റെ കാർ എതിര്‍ ദിശയിൽ വന്ന കെഎസ്ആര്‍ടിസി ബസിനടിയിലേക്ക് ഇടിച്ചു കയറി.
അടുത്തുണ്ടായിരുന്ന നാട്ടുകാര്‍ ചേര്‍ന്ന് വാവാ സുരേഷിനേയും ഡ്രൈവറേയും മറ്റൊരു വാഹനത്തിൽ തിരുവനന്തപുരം മെഡിക്കൽ കോളേജ് ആശുപത്രിയിൽ എത്തിച്ചു. മുഖത്തിന് സാരമായ പരിക്കേറ്റ വാവാ സുരേഷ് നിലവിൽ ഐ.സി.യു വിൽ നിരീക്ഷണത്തിലാണ്. എന്നാൽ ആശങ്കപ്പെടേണ്ട സാഹചര്യം ഇല്ലെന്ന് ഡോക്ടര്‍മാര്‍ അറിയിച്ചു.
