‘ഖലീഫ’ വരുന്നു

വൈശാഖ് സംവിധാനം ചെയ്യുന്ന പൃഥ്വിരാജ് ചിത്രത്തിന്റെ ടൈറ്റിൽ ലൊഞ്ച് ചെയ്തു. ‘ഖലീഫ’ എന്നാണ് ചിത്രത്തിന്റെ പേര്. ‘പ്രതികാരം സ്വർണത്താൽ എഴുതപ്പെടും’ എന്ന ടാ​ഗ് ലൈനോടു കൂടി എത്തിയ പോസ്റ്ററിൽ പൃഥ്വിരാജിന്റെ പാതി മറഞ്ഞ ചിത്രമാണ് ഉള്ളത്. യുഎസ് ഡോളര്‍ കൈയില്‍ പിടിച്ച് നില്‍ക്കുന്ന ഒരാളുടെ ചിത്രമുള്ള പോസ്റ്റാറിനൊപ്പം പുതിയ സിനിമയുടെ പ്രഖ്യാപനത്തെ കുറിച്ച് പൃഥ്വിരാജ് സമൂഹ മാധ്യമങ്ങളിലൂടെ അറിയിച്ചിരുന്നു.

‘പന്ത്രണ്ട് വർഷത്തിന് ശേഷം പൃഥ്വിയുമായി ഒന്നിക്കുന്നു. ഒരു ഹൈ വോൾട്ടേജ് മാസ് എന്റർടെയ്നർ. ഞങ്ങളുടെ ഖലീഫയെ നിങ്ങൾക്കായി സമർപ്പിക്കുന്നു. ഈ സ്വപ്നം സാക്ഷാത്കരിക്കാൻ ശക്തമായ തിരക്കഥയുമായി എത്തിയ ജിനു വി എബ്രഹാമിന് നന്ദി,’ എന്നാണ് വൈശാഖ് പോസ്റ്റർ പങ്കുവെച്ചുകൊണ്ട് കുറിച്ചത്. ബിസ്കറ്റ് കിംഗ് എന്നറിയപ്പെട്ടിരുന്ന മലയാളി വ്യവസായി രാജന്‍ പിള്ളയുടെ ജീവിതത്തെ ആസ്പദമാക്കിയുള്ള ചിത്രമാണ് എന്നും സോളോ ഹീറോ ബോളിവുഡ് ചിത്രമായിരിക്കുമെന്നും ‘ടൈസൺ’ എന്ന സിനിമയുടെ അനൗൺസ്‌മെന്റ് ആണെന്നും അഭിപ്രായങ്ങളുയർന്നിരുന്നു.