നിര്‍ത്തിയിട്ട ലോറിയിൽ ബസ് ഇടിച്ചു ; നിരവധി പേർക്ക് പരുക്ക്
കോഴിക്കോട്: കുന്ദമംഗലം ചൂലാം വയലില്‍ നിര്‍ത്തിയിട്ട ലോറിയില്‍ ബസ് ഇടിച്ചു. യാത്രക്കാരായ 20ലധികം പേര്‍ക്ക് പരുക്കേറ്റു. ഇന്ന് രാവിലെയാണ് സംഭവം.നിയന്ത്രണം വിട്ട ബസ് എതിര്‍ ഭാഗത്ത് റോഡരികില്‍ നിര്‍ത്തിയിട്ട ലോറിയില്‍ ഇടിക്കുകയായിരുന്നു.അടിവാരം ഭാഗത്ത് നിന്ന് കോഴിക്കോട് ഭാഗത്തേക്ക് പോവുകയായിരുന്ന ഫാത്തിമാസ് എന്ന ബസാണ് അപകടത്തില്‍പെട്ടത്.
ചൂലാം വയല്‍ സ്‌കൂളിന്റെ മുന്‍പിലെ ഇറക്കത്തില്‍ മറുഭാഗത്ത് നിര്‍ത്തിയിട്ട ലോറിയില്‍ ഇടിക്കുകയായിരുന്നു. അപകടത്തില്‍ പരുക്കേറ്റവരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ആരുടെയും പരുക്ക് ഗുരുതരമല്ല.
