കുഞ്ഞുങ്ങളുമായി നയൻസിന്റെ ക്യൂട്ട് വീഡിയോ ; ഇൻസ്റ്റാഗ്രാമിൽ അരങ്ങേറി ലേഡി സൂപ്പർസ്റ്റാർ
കുഞ്ഞുങ്ങളുടെ മുഖം ആദ്യമായി കാണിച്ച് നയൻസ്. തന്റെ പുതിയ ഇൻസ്റ്റാഗ്രാം പേജിലൂടെ ആണ് ലേഡി സൂപ്പർസ്റ്റാർ കുട്ടികളുമായുള്ള വീഡിയോ പങ്കുവെച്ചത്. സോഷ്യൽ മീഡിയയിൽ ഒട്ടും സജീവമല്ലാത്ത നയൻസ് ഇത് ആദ്യമായാണ് സ്വന്തം സോഷ്യൽ മീഡിയ പേജ് തുടങ്ങിയിരിക്കുന്നത്. ആരാധകർ നയൻസിന്റെ ചിത്രങ്ങളും വിശേഷങ്ങളും ഇത്രയും കാലം ഭർത്താവ് വിഘ്‌നേഷിന്റെ ഇൻസ്റ്റയിലൂടെ ആണ് അറിഞ്ഞത്. ആരാധകരുടെ ഒരുപാടു നാളത്തെ കാത്തിരിപ്പിനാണ് ഇപ്പോൾ വിരാമമായിരിക്കുന്നത്. ഇനിയും ഒരുപാട് വീഡിയോസ്, ചിത്രങ്ങൾ കാണാൻ കാത്തിരിക്കുകയാണ് ആരാധകർ.
മാത്രമല്ല,നയൻസ് തന്റെ പുതിയ ഇൻസ്റ്റാഗ്രാമിൽ സെപ്റ്റംബർ 7 നു ഹിന്ദിയിലും തമിഴിലും തെലുങ്കിലുമായി റിലീസ് ചെയ്യുന്ന ജവാന്റെ ട്രൈലെർ പങ്കുവെച്ചിരിക്കുകയാണ്. പ്രീവ്യൂ റിലീസ് മുതൽ ട്രൈലെർ കാണാനുള്ള ആരാധകരുടെ ആകാംഷക്ക് വിരാമം ഇട്ടുകൊണ്ടാണ് നയൻ‌താര ഇന്ന് തന്റെ സോഷ്യൽ മീഡിയയിൽ ആക്ഷൻ പാക്ക്ഡ് ട്രൈലെർ പങ്കു വെച്ചത്. ആക്ഷൻ, മാസ്സ്, ത്രില്ലിംഗ് രംഗങ്ങളുടെ മികവുറ്റ സംയോജനമാകും ജവാൻ എന്ന് ഉറപ്പു നൽകുന്നുണ്ട് ട്രൈലെർ.
ബോക്സ്‌ ഓഫീസിൽ പുതിയ റെക്കോർഡ് സൃഷ്ടിക്കുമെന്ന പ്രതീക്ഷയിലാണ് ജവാൻറെ അണിയറ പ്രവർത്തകർ. റെഡ് ചില്ലിസിന്റെ ബാനറിൽ ഗൗരി ഖാനും ഗൌരവ് വർമയും ചേർന്ന് നിർമിക്കുന്ന ഈ അറ്റ്ലീ ചിത്രം സെപ്റ്റംബർ 7 നു മൂന്ന് ഭാഷകളിൽ ആയി വേൾഡ് വൈഡ് റിലീസ് ചെയ്യും. ഗോകുലം മൂവീസ് ആണ് ചിത്രം കേരളത്തിൽ വിതരണത്തിന് എത്തിക്കുന്നത്.. റെഡ് ചില്ലിസിനു വേണ്ടി ചിത്രത്തിന്റെ കേരളത്തിലെ പ്രൊമോഷൻ ചെയുന്നത് പപ്പറ്റ് മീഡിയ ആണ്.
