‘ജവാൻ’ ക്യാരക്ടർ ലുക്ക് പുറത്തുവിട്ട് അണിയറ പ്രവർത്തകർ

തെന്നിന്ത്യയും ബോളിവുഡ് സിനിമ ലോകവും ഒന്നടങ്കം കാത്തിരിക്കുന്ന സിനിമയാണ് ജവാൻ. ആറ്റ്ലി സംവിധാനം ചെയ്യുന്ന ചിത്രത്തിൽ നയൻതാര ആണ് നായികയായി എത്തുന്നത്. രണ്ട് ദിവസം മുൻപ് പുറത്തിറങ്ങിയ ചിത്രത്തിന്റെ പ്രിവ്യൂവിന് വൻ വരവേൽപ്പാണ് പ്രേക്ഷകർ നൽകിയത്. ഏവരും കാത്തിരിക്കുന്നത് പോലെ പക്കാ മാസ് പടം ആകും ജവാൻ എന്നാണ് പ്രിവ്യു നൽകിയ സൂചന. ഇപ്പോഴിതാ ചിത്രത്തിൽ ഷാരൂഖിന്റെ ക്യാരക്ടർ ലുക്ക് പുറത്തു വിട്ടിരിക്കുകയാണ് അണിയറ പ്രവർത്തകർ.

മൊട്ട ലുക്കിൽ കയ്യിൽ തോക്കേന്തി നിൽക്കുന്ന ഷാരൂഖ് ഖാനെ പോസ്റ്ററിൽ കാണാം. ആളാകെ മാറിപ്പോയല്ലോ എന്നാണ് പോസ്റ്റർ കണ്ട് ആരാധകർ ചോദിക്കുന്നത്. ചിത്രം സെപ്റ്റംബർ 7ന് ലോകമെമ്പാടുമുള്ള തിയറ്ററുകളിൽ റിലീസിന് എത്തും.