സുരാജ് വെഞ്ഞാറമൂടിന് പുരസ്കാരം
നാടകാചാര്യന്‍ എന്‍.എന്‍. പിള്ളയുടെ പേരില്‍ മാണിയാട്ട് കോറസ് കലാസമിതി ഏര്‍പ്പെടുത്തിയ സിനിമാ രംഗത്തെ സമഗ്ര സംഭാവനക്കുള്ള ഈ വര്‍ഷത്തെ പുരസ്കാരം സുരാജ് വെഞ്ഞാറമൂടിന്. നാടക രംഗത്തെ സമഗ്ര സംഭാവന പുരസ്കാരം സതീഷ് സംഘമിത്രക്കും നല്‍കുമെന്ന് എന്‍.എന്‍ പിള്ളയുടെ മകനും നടനുമായ വിജയരാഘവന്‍ കാസർഗോഡ് പ്രസ്‌ ക്ലബ്ബില്‍ വാര്‍ത്താസമ്മേളനത്തില്‍ പറഞ്ഞു. കലാസമിതി സംഘടിപ്പിക്കുന്ന എന്‍.എന്‍. പിള്ള സ്മാരക സംസ്ഥാന പ്രൊഫഷണല്‍ നാടക മത്സരത്തിന്റെ ഭാഗമായി നവംബര്‍ 14ന് അവാര്‍ഡ് വിതരണം ചെയ്യും.
