‘വിക്രം’ ബുസാൻ ചലച്ചിത്രമേളയിലേക്ക്

കമൽ ഹാസൻ-ലോകേഷ് കനകരാജ് ചിത്രം വിക്രം ബുസാൻ ചലച്ചിത്രമേളയിലേക്ക്. ഓപ്പൺ സിനിമ വിഭാഗത്തിലാണ് സിനിമ പ്രദർശിപ്പിക്കുക. ഈ മാസം ഹാൾമാർക്ക് ഔട്ട്ഡോർ തിയേറ്ററിലായിരിക്കും സിനിമയുടെ പ്രദർശനം.
സിനിമയുടെ അണിയറ പ്രവർത്തകർ തന്നെയാണ് ഇക്കാര്യം സമൂഹ മാധ്യമങ്ങളിലൂടെ അറിയിച്ചത്.

ജൂണ്‍ മൂന്നിന് റിലീസ് ചെയ്ത ചിത്രം ഏതാനും ആഴ്ചകള്‍ക്കുള്ളില്‍ കോളിവുഡ് ചരിത്രത്തിലെ എല്ലാ റെക്കോര്‍ഡുകളും തകര്‍ത്തിരുന്നു.ഇന്ത്യയില്‍ നിന്നും മാത്രം 307.60 കോടിയാണ് കളക്ട് ചെയ്തിരിക്കുന്നത്. കേരളത്തില്‍ നിന്നുള്ള സിനിമയുടെ കളക്ഷന്‍ 40.50 കോടി രൂപയാണ്. ആന്ധ്രാപ്രദേശ്, തെലങ്കാന എന്നിവിടങ്ങളില്‍ നിന്നായി 42.60 കോടിയാണ് വിക്രം നേടിയത്. കര്‍ണാടകയില്‍ നിന്നും 25.40 കോടി നേടിയപ്പോള്‍ മറ്റ് സംസ്ഥാനങ്ങളില്‍ നിന്നുമായി 27.30 കോടിയാണ് കളക്ട് ചെയ്തത്. നോര്‍ത്ത് അമേരിക്ക, മിഡില്‍ ഈസ്റ്റ്, മലേഷ്യ, സിംഗപൂര്‍, ഓസ്‌ട്രേലിയ, യുകെ, ഫ്രാന്‍സ്, യൂറോപ് എന്നിങ്ങനെ അന്താരാഷ്ട്ര ബോക്‌സ് ഓഫീസില്‍ നിന്നായി 124.90 കോടി വിക്രം സ്വന്തമാക്കി.