‘മേ ഹൂം മൂസ’യുടെ പോസ്റ്റർ വിവാദത്തിൽ

സുരേഷ് ഗോപിയെ നായകനാക്കി ജിബു ജേക്കബ് സംവിധാനം ചെയ്യുന്ന ‘മേ ഹൂം മൂസ’യുടെ പോസ്റ്റർ വിവാദത്തിൽ. ‘കണ്ടോനെ കൊന്ന് സ്വർഗം തെണ്ടി നടക്കുന്ന മാപ്ലയല്ല മൂസ’ എന്നെഴുതിയ പോസ്റ്ററിനെതിരെ രൂക്ഷ വിമർശനമാണ് സമൂഹമാധ്യമങ്ങളിൽ ഉയരുന്നത്. ‘ആ ക്യാപ്ഷൻ ഉണ്ടാക്കിയ ചേട്ടന് ഇസ്ലാം എന്തന്നോ, മുസ്ലിം എന്തന്നോ അറിയില്ല.
‘വർഗീയത പറഞ്ഞു മാർക്കറ്റിങ് നടത്തുന്നു.’കടുത്ത ഇസ്ലാമോഫോബിക്ക് പരസ്യം തന്നെ കൊടുത്തു.’ എന്നിങ്ങനെയാണ് സമൂഹമാധ്യമങ്ങളിൽ ഉയരുന്ന വിമർശനം. ഇന്നാണ് സിനിമ റിലീസ് ചെയ്യുന്നത്.