മാഹി മദ്യം പിടികൂടി

തൃശൂർ പാലിയേക്കര ടോൾ പ്ലാസയിൽ പിക്കപ്പ് വാനിൽ അനധികൃതമായി കടത്തിയ 160 കെയ്സ് മാഹി മദ്യം എക്സൈസ് പിടികൂടി. തിരുവനന്തപുരം സ്വദേശി വിഷ്ണു പ്രകാശ് (24) നെയാണ് ഇരിങ്ങാലക്കുട എക്സൈസ് സംഘം പിടികൂടിയത്.

അടുത്തിടെ പിടികൂടുന്ന ഏറ്റവും വലിയ അളവിലുള്ള മദ്യവേട്ടയാണിതെന്ന് എക്സൈസ് സംഘം വ്യക്തമാക്കി. ലഹരിക്കടത്തുമായി ബന്ധപ്പെട്ട് എക്സൈസും പോലീസും സംയുക്തമായി നടത്തിയ പരിശോധനയിലാണ് അനധികൃതമായി കടത്തിയ മാഹി മദ്യം പിടികൂടിയത്.