അനുദിനം പിന്തുണയേറുകയാണ്’ ;ശശി തരൂര്‍
ചെന്നൈ: കോണ്‍ഗ്രസിനെ യുവ ഇന്ത്യയുടെ പാര്‍ട്ടിയാക്കി മാറ്റാനാണ് ആഗ്രഹിക്കുന്നതെന്ന് ശശി തരൂര്‍ എം പി. യുവ ജനങ്ങളുടെ പിന്തുണ തനിക്ക് ലഭിക്കുന്നതില്‍ അതിയായ സന്തോഷമുണ്ടെന്നും തരൂര്‍ പറഞ്ഞു. കോണ്‍ഗ്രസ് അദ്ധ്യക്ഷ തെരഞ്ഞെടുപ്പിന് പിന്തുണ തേടി ചെന്നൈയില്‍ എത്തിയപ്പോഴായിരുന്നു അദ്ദേഹത്തിന്റെ പ്രതികരണം.
‘ഇതൊരു വെല്ലുവിളി നിറഞ്ഞ തെരഞ്ഞെടുപ്പാണ്. മികച്ച വോട്ടു നേടാനാകുമെന്നാണ് പ്രതീക്ഷ. സാധാരണ പാര്‍ട്ടി പ്രവര്‍ത്തകരില്‍ നിന്ന് പ്രത്യേകിച്ച് യുവജനങ്ങളില്‍ നിന്ന് മികച്ച പ്രതികരണം ലഭിക്കുന്നുണ്ട്. യുവ ഇന്ത്യയുടെ പാര്‍ട്ടിയായി കോണ്‍ഗ്രസ് മാറണമെന്നാണ് ആഗ്രഹം. അദ്ധ്യക്ഷ പദവിയിലേക്കുള്ള മത്സരത്തില്‍ അനുദിനം പിന്തുണയേറുകയാണ്’, തരൂര്‍ പറഞ്ഞു.
